USFLUG AN D'MÄSS AM 01.11.2019

Am 1. Novämber sind mr nacheme kurzä abstächer in dr Lounge 11 am halb 8i uf e Zug richtig Basel an d'Herbstmäss... Nachem kurzä Bummel durch die vrschiedene Mässeplätz sind mr den au vo Beiz zu Beiz und notürlich hets au s eint oder andere Bierli geh... Im Aschluss sind mr denn wieder in Sissach im Club 55 glande und hei dä lustig Obä lo usklingä...


FASNACHT 2019 "NID SCHO WIDR"

Do es paar Idrück vo dr Fasnacht 2019 in Sissech und Fränkädor.... es isch wiedermol einisch mehr suuuuuper gsi....


FONDUEPLAUSCH 09.02.2019

Eusä diesjöörig Fondueplausch uf dr Kunsti (Helga Klassnitz‘ Kunsti-Beiz) in Sissach het mitemä kleine Apero und Besprächig gmütlich gstartet. Aschliessend hei mr ä feins Fondue dörfä gniessä und natürlich au no 1-2 (10+) Fläsche Wissä und Bier. Wie jedes Joor hets Lösli geh wo eusi liebä Mitglieder hei müessä gwüssi Ufgobä erfüllä, wie z.B. dr Hooligan (Mirko) wo het müess all halb Stund e riese Goaljubel los loh oder eusä Gian dr ganz Obe in Schlittschueh het müsse vrbringe... Dr Marco Tonazzi het eus dörfä si mehr oder weniger schönä Gsang vorführä und dr Remo sini Schnitzelbänk... Nachem gmütlichä Fondue sind mr denn au wieder richtig Dorf zogä und hei dr Alass bi es paar witärä Getränk lo usklingä oder so ähnlich... :) 


GUGGEWAHN "BGZ" 26.01.2019

So au das Joor hei mir dörfä am Guggäwahn go chrampfä, i denk mir hei s nid soooo schlecht gmacht am Foodcorner und an dr Bar im Festzält... :-) Es isch wie immer ä super Fescht gsi... Mir freuä uns jetzt scho uf nögst Joor...!! 


WAGÄBAU 2018/19

So mir hei au wieder mol gemütlich mit unserem Wagebau agfangä... zerst heissts notürlich s altä Sujet abzbauä und Idee sammlä für d Umsetzig vom neuä Sujet...Do sind mr mittlerwilä au scho wieder ebiz witer... aber jo gsehnts jo denn an dr Fasnacht...