Z-Adventure Weekend

Am Fritig 16.07.2021 hei mir uns uf e Weg gmacht nach Interlake wo mir ufem Zeltplatz euses Z-Weekend vrbrocht hei. Trotz dä Unwetter und em nid allzu guete Wetter hei mir das natürlich Zapfhähne-Like durre zoge. 

Mir sind am Fritig-Obe am halb 6i in Zunzge richtig Interlake abgfahre und gege die halb 8i ufem Zeltplatz acho... Eigentlich isch plant gsi, dass dr Mike und Mirko scho vorher dört sind und bis dr Reste achunnt alles parat isch, aber wies halt so isch isch no gar nüt parat gsi... :-) No hei mr halt alli zämmä eusi zwei Riesezelt ufgstellt und hei den mol afo afüüre damit mr öpis zbisse hei chönne uf e Grill schmeisse... Leider isch s Wetter in dä Täg vorher nid grad s beste gsi, dass mr euse gmietete Boot nid hei chönne bruche, do dr See für d Schifffahrt gsperrt gsi isch (allefalls au sinnvoller gsi, bi dem Huffe)... Ob die andere Gäst freud gha hei dass mir dört gsi sind, werde mr mol so im Ruum lo stoh ;) (s het ämel nid allzu viel Reklamatione geh)... 

Im Gross und Ganze e richtig Cools Weekend gsi und e Stargast (Fabio Fedriga / Präsi FGS) hei mr am Samstig zobe au no dörfe Begrüesse....


(FASNACHT 2021)

Am Fasnachts-Sunntigmorgä früeh (02.30Uhr) hei mr denkt, es bitz öpis müesse mr doch für eusi gliebti Fasnecht no mache...

Und am Fasnechtsdonnstig hei mr doch au no s Chluuri vrbrennt. Mir Danke dr FGS für die tolli Überraschig und hoffe euch, wie au dr Fasnecht Sissech mit dem Video bitz öpis chönne zrugg zgeh...!