Z-WEEKEND IM SCHWARZWALD

Am Fritig 14.10.2022 sind mr (leider bitz dezimiert) an euses Weekend in Schwarzwald. Nacheme istimmigs Schluck in dr Lounge11 hei mr uns uf e Weg gmacht.... es isch nid lang gange de hei mr scho dr erst Zwüschefall gha an dr Grenze (wahrschinlich hei d Zöllner die drei Insasse vo dem Fahrzeug (M.C, M.S und M.A) eifach unglaublich heiss gfunde und hei sä welle bitz nöcher kennelerne...) Mit bitz verspötig sind die denn doch au noch in dr Unterkunft acho und mir hei chönnä Znacht esse (Super fein gsi). Im Aschluss hei mr den Party gmacht (natürlich Zapfhähne Like) inere Schüre/Werkstatt für uns allei bis in die frühe Morgestunde...Am Samstig nach nid allzu viel schlof sind mr den go e Brauerei aluege (gwüssi hei noni so viel mit übercho). Nach der Führig sind mr den richtig Schluchsee, dört mitem Schiff eimol quer drüber in eine Beiz... dört hei mr was chleises gässä und bitz drunke...d Stimmig isch scho wieder super gsi und mir hei eus uf e Fuessmarsch um ä See gmacht wieder richtig Unterkunft (miteme kleine Zwüschefall hei mrs de doch irgendwenn au alli gschafft wieder bi dr Unterkunft zsi). Dört noch was gässä und den nomol bitz Party gmacht (do mr aber au nüm die Jüngste sind und mittlerwile doch au vernünftig ;) , nüm ganz so lang wie am Obe vorher). Am Sunntig zum Abschluss hei mr no ä kleine Abstächer ufd Sissacher Fluh gmacht und hei eus dört no es Fondue gönnt. 

BEER OLYMPICS 2022

Am Samstig 25.06.2022 hei ufem Tannebrunn die erste Beer Olympics "by Zapfhähne Sissech" statt gfunde. Es isch e super lustige und sunnigä Tag gsi. Danke an die Teams wo drbi gsi sind, dir sind genial gsi... :)

FASNECHT 2022


WAGÄBAU 2022

Do doch e Fasnecht statt findet, hei mr gfunde e bitz öpis müesse mr jo doch au mache... als hei mr in 5x Wagebau schnell öpis chleises gmacht. S het wiedermol spass gmacht chönnä Wagebauä... und jetzt freuä mr eus ufd Fasnecht 2022