Als im Joor 2004 s’Chluri uff dr Sissecher Allmend verbrennt wordä isch, händ e Gruppä Fasnachtsbegeischterti Typä spontan dr Entschluss gfasst im Joor 2005 sälber mitz’würkä a dr Sissecher Fasnacht. . .

Obwohl meh sich gegäsitig noni so guet kennt het, het meh sich im Früähjoor 05 wieder troffä, um diä Idee z’vertiäfä. Und tatsächlig sind 7 hochmotivierti Jungs inärä Sissecher Beiz zämä cho und hän sich nach einigä Getränk und Unterhaltigä derzuä entschlossä e Wagä-Clique z'gründä.

D’Zapfhähne Sissech 04 sind geborä.

D’Halle het meh gfundä und dr (nid allzu chlini) Wagä kauft, denn s’Holz organisiert und scho hän diä erschtä 7 Zapfhähne chönä mit ihrem erschtä Wagä startä. 

Ganzi 20 Johr sind mir miteme grosse Wage unterwegs gsi, bis mr uns drzue entschiede hei euse Wage nach dr Fasnacht 2024 zvrchaufe...und d Fasnacht imene chlinere Rahme witrführe mit eusne Kinder. Was mir den au an dr Fasnacht 2025 gmacht hei - chlei aber trotzdem Zapfhäne Like... 

Aber wie tolls au gsi isch, es isch halt glich nicht ganz s gliche gsi - dorum het mr sich nach dr Fasnacht 2025 drzue entschiede wieder e grosse Wage zchaufe und mit viel Ufwand und Herzbluet öpis neus uf d Bei gstellt... es wird wieder Gigantisch...

Was druss gwordä isch sit denn, chamä jedes Joor, an dr Sissecher Fasnacht bewundärä oder bi uns in dr Bilder-Galerie go schneuggä.